Jæja, þá eru jólin bara á næsta leiti og allir bíða spenntir. Ég er kominn í jólafrí og það er mjög fínt, ég er samt búinn að vera að vinna slatta mikið. En ég fékk 7,6 í meðaleinkunn eða eitthvað álíka í jólaprófunum og ég náði öllu.
Núna eru mæðgurnar Berglind og Margrét að skreyta jólatréð þeirra og spila jólalög og svo í gær var Berglind og mamma að skreyta tréð okkar.
Ég hef ekkert rosalega mikið að segja, samt er ég forvitinn að vita af hverju það eru svona margir alltaf að fara inná þessa síðu um daginn voru eitthvað 57 manns búin að koma inn á síðuna á einum degi! og það var svona um 5 leitið eða eitthvað. Ekkert smá skrítið þar sem það voru alltaf alveg undir 10 manns að koma. En ég vill bara óska öllum gleðilegra jóla og gleðilegs nýs árs.

Ps. svo á ég myspace síðu www.myspace.com/asgeir88

Kveðja,
Ásgeir Örn Arnarson

Þessi vika er búin að vera smá skemmtileg og því má þakka snjónum. Fyrsta daginn eftir snjóbylinn fór ég eitthvað af stað á Benzinum mínum á meðan allir voru pikkfastir og ég mokaði ekki einu sinni neitt. Fór svo á Miklubrautina og hún var bara alveg á kafi það var ekkert búið að skafa og bara nokkrir bílar búnir að fara þarna yfir en þrátt fyrir það komst ég yfir þessa rosalegu ófæru og komst alla leið upp í Breiðholt og þar byrjaði þetta að vera aðeins erfiðara. Fyrir þá sem ekki hafa komið hingað heim til mín þá eru tveir eða þrír inngangar í götuna mína og við förum alltaf inn um þann fyrsta, en ég komst ekki þar inn af því ég festist bara og komst ekkert upp þannig ég reyndi við númer tvö og komst þar upp en það var nú samt ekkert auðvelt en svo þegar ég var kominn inn í götuna endaði ég bara á alveg ótroðnum snjó sem náði hærra upp en stuðarinn minn og ég þurfti að keyra í gegnum svona 100 metra af þessum snjó til að komast að húsinu mínu. Aron var að moka planið þegar ég var að fara í gegnum þetta og hann fór út á götu og horfði á mig og hann sagði að ég hafi litið út eins og jarðýta!
Svo fór ég að vinna um kvöldið við að keyra út mat og það var ekkert það auðveldasta sem var hægt að gera, en ég festist samt aldrei.
Það er hins vegar lítið búið að gerast núna upp á síðkastið nema það að ég fór í staffapartý um daginn og það var alveg helvíti skemmtilegt.
Núna þarf ég samt að ná í Berglindi í skólann þannig ég þarf að fara.

Takk fyrir mig,
Ásgeir Örn Arnarson

Já sælt veri fólkið, ég hef ekki skrifað blogg í ótrúlega langan tíma og satt að segja á ég örugglega ekki eftir að gera það fljótlega aftur held ég.
Það er öruggleg mjög mikið búið að gerast síðan ég bloggaði eitthvað síðast, það sem ég man er við fluttum í breiðholtið, við eigum Ford F150, ég þreif bílinn minn ótrúlega vel að innan núna síðustu helgi (tók sætin úr og allt), fyrsti alvarlegi snjórinn í Reykjavík var gær, ég fékk gefins nagladekk í gær , ég er búinn að sofa þrisvar sinnum heima hjá mér , það var brotist inn í gullbenzinn fyrir utan hjá Berglindi í gærnótt (mjög krípí), mér gengur þokkalega vel í skólanum og fyrir þá sem ekki vita er ég í Borharholtsskóla, skeljabrekkuferðin verður líklegast að dragast alveg fram að janúar (veit það verða margir ósáttir með það), örugglega margir búnir að byrja saman og hætta saman og ég bara held ég viti ekki meira af því ég er með hræðinlegt minni.
Í gær vorum við Berglind búin að vera saman í ár og 3 mánuði og er þetta alveg besta samband sem nokkur manneskja getur ímyndað sér. Við gerðum reyndar ekkert til að halda upp á það og svo átti mamma hennar líka afmæli þannig við héldum bara frekar upp á það. Bíllinn minn er ennþá til sölu ef einhver hefur áhuga, Mercedes Benz 280se, árgerð '83, ekinn 234.XXX km., rafmagn í öllu, webasto forhitari, loftkæling, hiti í sætum, ný kerti, tandurhreinn að innan og allt . Þokkalega svalur rúntari sko .
Held þetta sé bara komið þrátt fyrir tómleikann í þessu bloggi, verð bara að játa það að ég er ekkert það rosalega góður bloggari og ætla þess vegna að sleppa því að blogga á hverjum degi.

Og svo er svona mydaalbúm alveg neðst á síðunni.

Takk fyrir mig,
Ásgeir Örn Arnarson